Heimilt er að selja takmarkað magn lyfsins í lausasölu, mest 100 stk. handa einstaklingi

Lóratadín, virka efnið í Clarityn, hindrar áhrif histamíns í líkamanum, en histamín er það efni sem veldur helstu einkennum ofnæmis. Með því að koma í veg fyrir virkni histamíns er dregið úr einkennum ofnæmis eða komið í veg fyrir þau.

Lóratadín vinnur á ofnæmi, ofnæmisbólgum í nefi og einnig útbrotum og kláða af völdum histamíns. Lyfið er einnig notað við ofsakláða. Ólíkt mörgum ofnæmislyfjum hefur lóratadín óveruleg róandi og sljóvgandi áhrif.